የኢትዮጵያ አየር መንገድ 15 የትኬት እና 30 የኤርፖርት ሰራተኞችን ከስራ ካባረረ በሁዋላ ከአገር እንዳይወጡ ማገዱን የኢትዮጵያ ሳተላይት ቴለኢቪዥን ኢሳት ዘገበ። እንደ ኢሳት ዘገባ ከአየር መንገድ የውስጥ ምንጮች የተገኘው መረጃ እንደሚያመለክተው ሀብታሙ ጫኔ፣ ዳንኤል ገበየሁ፣ ኢማን ያሲን፣ ኤደን ካሳየ፣ ቤዛ ኤፍሬም፣ ይገርማል ታደሰ፣ ሰለሞን ይብራህ፣ ክንፈ ሚካኤል ሽጉጤን ጨምሮ በርካታ ሰራተኞች ከስራ የተባረሩ ሲሆን ፣ አየር መንገዱ ለደህንነት እና አሚግሬሽን መስሪያ ቤት በጻፈው ደብዳቤ ሰራተኞቹ ከአገር እንዳይወጡ አሳግዷል።
ሰራተኞቹ ከአገር እንዳይወጡ ሲታገዱ ከተዘረዘሩት ምክንያቶች መካከል ለህዳሴው ግድብ ገንዘብ ለማዋጣት ፈቃደኛ አለመሆን፣ የድርጅቱን ሚስጢራዊ መረጃዎች የአገር ጠላት ለሆኑት የሽብርተኞች ሚዲያዎች ለኢሳት እና ለፍትህ ጋዜጣ መስጠታቸው፣ እንዲሁም የባለራእዩን መሪ የመለስ ዜናዊን ራእይ ለማሳካት በሚል የተነደፈውን የስድስት ቀን የነጻ የስራ አገልግሎት እቅድ ተግባራዊ ለማድረግ ፈቃደኛ አለመሆን የሚሉት ይገኙበታል ብሉአል ኢሳት። የሰራተኞቹ ፓስፓርት ቁጥር ለኢሚግሬሽንና ደህንነት ክፍል በመላኩም ሰራተኞች ከአገር ለመውጣትና ራሳቸውን ለማዳን እንዳልቻሉ ዘገባው አመልክቱአል።
ኢሳት እንደዘገበው አካሉ አሰፋ፣ አንተሰናይ አማረ፣ ቤተልሄም ተፈራ፣ ቤተልሄም ጌታቸው፣ ኤደን በየነ፣ ኤደን ካሳየ፣ ኢማን ያሲን፣ ሳሙኤል እንዳለ፣ ሶሎሞን በቀለ፣ አይዳ ዘልኡል፣ አማኑኤል በልስቲ፣ አማኑኤል ነጋሽ፣ አማኑኤል ጸጋው፣ አንዱአለም ግርማ፣ ብርሀኑ ሰሎሞን፣ ቸርነት አለሙ፣ እኑ ገብረእግዚአብሄር፣ ሀይማኖት ንጉሴ፣ ሂሩት መለሰ፣ ቅድስት አበራ፣ ቅድስት ከበደ፣ ማትያስ አድማሱ፣ መቅደስ አበራ፣ ሜላት አስራት፣ ትንግርት ደምሴ፣ ሳምራዊት ገረመው፣ ሰሚራ አማን፣ ተዘራ ወርቁ፣ ወንዶሰን ሀብቴ፣ ዮሀንስ ፍሰሀ እና አልአዛር ተክለ ሚካኤል ከአገር እንዳይወጡ ትእዛዝ ከተላለፈባቸው መካከል ይገኛሉ ብሉአል።
የኢትዮጵያ አየር መንገድ በዘረኛው የወያኔ አገዛዝ ቁጥጥር ስር ከወደቀበት ጊዜ ጀምሮ አንድ ዘርን መሰረት ባደረጉ ጥቂት ግለሰቦች እንደፈለገው እንደሚሽከረከርና ከአንድ ዘር ውጪ ያሉ ሰራተኞች ደግሞ ከፍተኛ ግፍና በደል እየተፈጸመባቸው እንዲሁም ከስራቸው እየተባበሩ እንደሆነ በስፋት ሲዘገብ መቆየቱ ይታወቃል።
የኢትዮጵያ አየር መንገድ በዘረኛው የወያኔ አገዛዝ ቁጥጥር ስር ከወደቀበት ጊዜ ጀምሮ አንድ ዘርን መሰረት ባደረጉ ጥቂት ግለሰቦች እንደፈለገው እንደሚሽከረከርና ከአንድ ዘር ውጪ ያሉ ሰራተኞች ደግሞ ከፍተኛ ግፍና በደል እየተፈጸመባቸው እንዲሁም ከስራቸው እየተባበሩ እንደሆነ በስፋት ሲዘገብ መቆየቱ ይታወቃል።
Ginbot 7 Publications
Ingen kommentarer:
Legg inn en kommentar